| Ślunskie pogaduchy nauka gwary i inne |
| Przenoszę z innych tematów, Wasze ślunskie pogaduszki. Kukuł: Jo wezna pora hand granatów i Wollysa do kofra abo na zic. (Tłumaczenie dla reszty świata) Zabiorę skrzynkę ręcznych granatów i Wollysa do bagażnika, lub na fotel Wollys: Ja Kukul W chlewiku mi stoi te cudo, a nad nim huśtają się kury, jak mi się zapolić go udo, to mogom powoniać sie z rury sześć sznitow i tasza na klocek, powiesza sie przy kierownicy, jak zrobia bez tydzień sześć nocek, to pełno mom drzewa w piwnicy bo głupio przepuszczać wypłata, a ciężko na nia harować, nie tydzień, miesiące, a lata na moplik żech musioł szporować Buhahaha - jak chcesz tłumacz reszcie świata A to lepsze: Murzinek Bambo W Africe miyszko Bambo, Murzinek, Blank czorny, mały, lokaty synek. Czorno mo matka, łojca czornego, Ujka i ciotka, dziadka i ... kożdego. Mo piykno chałpa - by ją zbudować Trza mieć patyki, deski i trowa. Bo przeca lepszyj chałpy nie trzeba, Jak sie rok cały hyc leje z nieba. Bestoż to sagie som Afrykony I mało kery je łobleczony. Bestoż fest dużo se uszporujom, Bo czopek, mantli...nic niy kupujom. Bambo Murzinek to mądry synek.... I niy mo w szkole samych jedynek. Bo sie mondrości wkłodo do gowy W swyj afrykańskiyj szkole ze trowy. W szkole tyj niy ma ławek, tablicy I gimnastycznyj sali - by ćwiczyć. Tam wszyscy afrykońscy szkolorze Mają sie łod nos troszyczka gorzyj, Bo brak im heftów, taszy z książkami, Bestoż po piosku piszą palcami. Lecz skuli tego tyż fajnie majom, Bo im nic do dom niy zadowajom! Jak już Murzinki w szkole głód majom To przerwa robią i se śniodajom. Ale niy mają tasz ze sznitami, Ani sklepiku ze kołoczkami. Głodny Murzinek se w las zaleci, By se na drzewie fest pomaszkecić. Może se urwać figi, daktyle, Lub po banany na drzewo wylyźć. A jak go suszy to zamiast koli Na fest sie wielko palma wgramoli, Kaj sie napije bardzo zdrowego, Mlyczka z łorzecha kokosowego. My tu na Śląsku, czy tam daleko, Za siódmom górą, za siódmom rzekom... Mieszkają ludzie - kożdy w swym domu I to niy wadzi przeca nikomu, Że jedyn jy kołocz a inny daktyla. Porozmyślej o tym choćby przez chwila! Lokomotywa! Jest na banhowie ciynszko maszyna Rubo jak kachlok - niy limuzyna Stoji i dycho, parsko i zipie, A hajer jeszcze wongiel w nia sypie. Potym wagony podopinali I całym szwongym kajś pojechali. W piyrszym siedziały se dwa Hanysy Jeden kudłaty, a drugi łysy, Prawie do siebie nic niy godali, Bo się do kupy jeszcze niy znali. W drugim jechała banda goroli, Wiyźli ze soba krzinka jaboli I pełne kofry samych presworsztóf I kabanina prościutko z rusztu. Pili i żarli, jeszcze śpiywali, Potym bez łokno wszyscy rzigali. W czecim Cygony, Żydy, Araby, W czwortym jechały zajś same baby. W piontym zaś Ruski. Ci mieli życie! Sasza łożarty siedzioł na tricie. Gwiozda mioł na czopce, stargane łachy, Krziwiył pycholem i ciepoł machy. A w szóstym zaś były same armaty, Co je wachowoł jakiś puklaty. W siódmym dwa szranki, pufy, wertikol, Smyczy maszyna może donikond. Jak przejyżdżali bez Śląskie Piekary Kaj wom to robiom kółka do kary, Maszyna sztopła! Kufry śleciały I każdy lotoł jak pogupiały. To jakiś ciućmok i łajza! Ciupnął i ślimtoł zignal na glajzach. Mog iść do haźla abo do lasa, Niy pokazywać tego mamlasa! Potym mu ale do szmot nakopali, Maszyna ruszyła, cug jechoł dali. Bez pola, lasy, góry, tunele, Darła za sobom te duperele, Aż się zagrzoły te biydne glajzy, Maszyna sztopła i koniec jazdy. Pan Hilary Loto, tyro pan Hilary, do dekla mu piere Bo kajś ten boroczek posioł swoi brele. Szuko w galotach, kabot obmacuje, Przewraco szczewiki, psińco znajduje. Bajzel w szranku i w byfyju Tera leci do antryju. „Kurde” - woło - „kurde bele! Ktoś mi rombnoł moi brele!” Wywraco leżanka i pod nią filuje, Borok sie wnerwio, gnatow już nie czuje. Sztucho w kachloku, kopie w kredynsie, Glaca spocono, cołki się trzynsie. Pieroński brele na amyn kajś wcisnyło Za oknym już downo blank sie ściymniło Do zrzadła oroz zaglondo Hilary- Aż mu po puklu przefurgły ciary. Spoziyro na kichol, po łepie sie puko, Bo znodły sie brele - te, co tak ich szukoł. Czy to ni ma gańba? - Powiydzcie sami, Mieć brele na nosie a szukać pod ryczkami. NO TO PYRSK LUDKOWIE !!! Kukuł: Aleś prziwalył. Boroki nie wiedzom ło co sie rozchodzi. Pyrsk |